Skooldrag

Leerlinge in die Departement Pre-primêr dra nie verpligte voorgeskrewe skooldrag nie. Gr.0-leerlinge dra 'n gemaklike uniforme drag. Dit sluit in 'n groen skoolbroekie, 'n skool T-hempie, 'n groen skoolhoed en 'n skoolsweetpak.

Leerlinge van Gr.1-Gr.7 dra die voorgeskrewe uniform vir alle skoolgeleent-hede. Alle kledingstukke insluitende skoene, moet duidelik met die leerling se naam gemerk word. Baadjies word elke dag na en van die skool gedra. 

SEUNS	DOGTERS
Donkergroen baadjie met wapen (windbraker) Grys Broek (kort in somer, lank in winter) Wit kortmouhemp (somer) Wit langmouhemp en das (winter) Swart leerskoene met gewone dun sole Grys kouse Skooltrui (winter) Groen skoolserp (winter) 'n Donkergroen gestopte Leeudoringstad-baadjie (opsioneel in winter)	Donkergroen Baadjie met Wapen (windbraker) Geel en wit skoolrok (somer) Wit langmouhemp (winter) Groen langmoubroek (winter) Swart leerskoene met gewone dun sole Wit sokkies (winter & somer) Skooltrui (winter) Groen skoolserp (winter) 'n Donkergroen gestopte Leeudoringstad-baadjie        (opsioneel in winter)

Die winterskooluniform word vanaf Mei gedra.

Leerlinge moet te alle tye die skool bywoon in volle skooldrag, soos voorgeskryf. (ook na skoolfunksies soos musiekkonserte en redenaarskompetisies). Dit is belangrik dat die leerlinge die beeld van die skool moet uitdra deur ‘n netjiese en versorgde voorkoms. Sodoende word ook ‘n trots vir die eie ontwikkel. Die sweetpak is deel van die sportdrag en nie deel van die daaglikse skooluniform nie.

Indien dit te warm is, sal die onderwyser/es verlof gee om baadjies in die klas uit te trek. Daar word voorsiening gemaak vir sluitkaste waar persoonlike besittings, sportsakke, baadjies, ens. gehou moet word.

Selfone word gedurende die skooldag in sluitkaste toegesluit en word nie in klasse ingebring nie. Die skool aanvaar geen verantwoordelikheid as selfone wegraak nie.

Dogters mag goue ringetjies of knopies(studs) in die ore dra (een aan elke oor), maar geen ander juweliersware sal toegelaat word nie.

Slegs bottelgroen of geel haartoebehore word by die offisiële skooldrag gedra. Skooltasse en sportsakke is bottelgroen en is by die leweransiers beskikbaar. Geen bont sakke sal toegelaat word nie.